ИШИД террорчилик ташкилоти Россияда футбол бўйича бўлиб ўтадиган жаҳон чемпионатида бир қатор терактларни амалга ошириш билан таҳдид қилмоқда. Бу борадаги хулосага ташкилотнинг Telegram’даги шифрланган аккаунтлари тадқиқ этилганидан сўнг келинган, деб хабар берди Forum Daily.
Ижтимоий тармоқларда эълон қилинган айрим суратларда террорчилар учувчисиз учар қурилмалардан фойдаланган ҳолда ўйинчи ва мухлислар устига бомба ташлаётгани тасвирланган. Бундан ташқари террорчилик ташкилоти стадионга худкушларни жўнатиш ниятида. Улар янги замонавий технология — деворлардан учиб ўтувчи учар ховерборддан фойдаланиши мумкин.
Хавфсизлик хизматидаги манбаларнинг маълумотларига кўра, террорчилар учувчисиз бошқариладиган учар қурилмаларга кимёвий ёки бактериал моддалардан иборат қуролларни ҳам жойлаштириши мумкин.
Россия махсус хизмати вакилларининг маълум қилишича, улар ИШИД ва «Ал-Қоида» томонидан уюштирилиши мумкин бўлган терактларни бартараф этишга тайёр.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)