Россиянинг Кемерово шаҳрида ёниб кетган «Зимняя вишня» савдо маркази бошқарувчиси Надежда Судденок ҳибс юзасидан шикоят аризаси берди, деб ёзади «РИА Новости».
Аввалроқ ёнғин ҳақидаги иш бўйича Надежда Судденок, савдо марказига эгалик қилувчи компания техник директори Георгий Соболев, савдо марказидаги ёнғинга қарши хавфсизлик тизимини ишлаб чиққан компания раҳбари Игорь Poloзиненко, шу компания ходими Александр Никитин ҳамда ёнғин юзага келганда сигнал берувчи тизимни ўчириб қўйганликда гумон этилаётган хусусий қўриқлов ташкилоти ходими Сергей Антюшин қўлга олинган, кейинроқ қамаб қўйилган эди.
31 март, шанба куни иш бўйича яна икки киши ҳибсга олинди.
Суд котибияти етти кишидан шикоят аризаси ҳозирча фақат Судденок номидан келиб тушганини маълум қилди.
Изоҳ (0)