Америкалик дипломатларнинг Россиядан чиқариб юборилиши икки мамлакат ўртасидаги алоқаларнинг янада ёмонлашувини келтириб чиқаради, деб ёзади «Газета.ru» Оқ уй матбуот хизматига таяниб.
«Россиянинг америкалик дипломатларни қувиб юбориш бўйича хатти-ҳаракатлари Россия-Америка муносабатларининг янада ёмонлашувига олиб келади», — дейишди матбуот хизматида.
Шу билан бирга, Оқ уй фикрича, шу ҳафта бошида АҚШ томонидан россиялик дипломатларнинг чиқариб юборилиши «Россиянинг Буюк Британия ҳудудидаги ҳужумига муносиб жавоб» бўлган.
Аввалроқ Россия ташқи ишлар вазири Сергей Лавров Россия АҚШнинг «Скрипаль иши» бўйича ҳаракатларига жавобан Қўшма Штатлар Санкт-Петербургда бош консуллик очишига розиликни қайтариб олиши ва 60 нафар америкалик дипломатни мамлакатдан чиқариб юборишини айтган эди.
Изоҳ (0)