Россиянинг Кемерово шаҳридаги 17-сонли гимназияда инглиз тили ўқитувчиси бўлиб ишлаган Татьяна Дарсалия «Зимняя вишня» савдо марказидаги ёнғин қурбонларидан биридир. У 28 март куни дафн этилди, деб ёзади «Эхо Москви».
24 март, шанба куни у мактабда байрам ўтказиб, эртаси куни дугонаси билан қизларини кинога олиб борган. Ёнғин бошлангач, аввал ўзининг қизини кўчага олиб чиққан, сўнг бошқа болаларни қутқариш учун қайтиб кирган. У ўнлаб болаларнинг ҳаётларини сақлаб қолишга муваффақ бўлган, аммо ўзи ҳалок бўлган.
Кемероводаги савдо марказда ёнғин 25 март куни бошланганди. Расмий маълумотларга кўра, 64 киши, шу жумладан 41 нафар бола ҳалок бўлди, 69 киши жабрланди.
Изоҳ (0)