Фарғона вилоятининг Қувасой туманида 2 ёшли бола бедарак йўқолиб, 3 кундан сўнг боланинг жасади сувдан топилган.
«Севимли» телеканалининг «Замон» информацион дастурида Қувасой шаҳар прокурори ўринбосари Дилмурод Қўлдошев ҳодиса қандай содир бўлгани ҳақида сўзлаб берди.
2018 йил 7 март куни Қувасой прокуратурасига Турғунов Улуғбек Нумонжонович мурожаат қилиб, унинг вояга етмаган фарзанди, 2015 йилда туғилган Нумонжонов Муҳаммадсодиқ Улуғбек ўғли бедарак йўқолгани ва уни топишда амалий ёрдам сўраган.Мазкур мурожаат асосида шаҳар прокурори раҳбарлигида тузилган тезкор гуруҳ суриштируви ҳаракатлари давомида, Қувасой шаҳар Мўян МФЙ Кўприкбоши кўчаси ҳудудидан оқиб ўтадиган ариққа вояга етмаган Муҳаммадсодиқ эҳтиётсизлик оқибатида тушиб кетиб, вафот этганлиги аниқланган. Ўтказилган суд-тиббий экспертиза текширувида Муҳаммасодиқнинг нафас йўлларининг сув билан бекилиши унинг ўлимига сабаб бўлгани аниқланган.
Дилмурод Қўлдошев, Қувасой шаҳар прокурори ўринбосари
Эслатиб ўтамиз, февраль ойида Фарғона вилоятининг Олтиариқ туманида 5 ёшли қизалоқ Кибриёхонни кўчадан номаълум кимса велосипедга ўтказиб олиб кетганди. Ўша куни тунда қизалоқнинг ўлиги топилган. Ушбу ҳодисада гуманланувчи қўлга олинган.
Изоҳ (0)