Россия Ўзбекистон ҳудудларига рус тили ва адабиёти ўқитувчиларини юбориш бўйича дастурни амалга оширишни таклиф қилди, дея хабар бермоқда Sputnik.
«Россия таълим ва фан вазирлиги ўзбек томонига у ерга ўқитувчилар гуруҳини юборишни таклиф қилди… Аммо, афсуски, Ўзбекистон давлат тузилмаларидан ҳамон жавоб келгани йўқ, орадан эса ярим йилча ўтиб кетди», — деди «Россoтрудничество»нинг Ўзбекистондаги ваколатхонаси раҳбари Виктор Шулика.
Унинг сўзларига кўра, Россия ҳукумати Ўзбекистон ҳудудлари учун рус тили ва адабиёти ўқитувчиларини саралаб олиш тизимини аллақачон ташкил қилиб бўлган ва энди Ўзбекистон ваколатли органларининг жавоб қарорини кутмоқда.
«Россия малакали педагогларни танлаб олиш мажбуриятини ўз зиммасига олади, уларга махсус маош тўлайди. Умуман олганда, бизнинг талабларимиз катта эмас — маҳаллий томон бошпана ва ишлаш учун зарур шароитларни тақдим этса бўлгани», — деди Шулика.
Изоҳ (0)