Қирғизистон бош вазири Сапар Исаков бошчилигидаги делегацияси ишчи ташриф билан Ўзбекистонга келди, деб хабар берди ЎзА.
Меҳмонларни Андижон вилоятидаги «Дўстлик» чегара мажмуасида Андижон вилояти ҳокими Шуҳратбек Абдураҳмонов, Қирғизистоннинг Ўзбекистондаги элчихонаси вакиллари ва кенг жамоатчилик вакиллари тантанали равишда кутиб олди.
Ташрифдан кўзланган асосий мақсад, икки қўшни мамлакат ўртасида иқтисодий, маданий, чегара масалалари бўйича алоқаларни янада юқори босқичга кўтариш, шунингдек, савдо-сотиқ, туризм, энергетика, транспорт соҳаларидаги ҳамкорлик кўламини кенгайтириш кўзда тутилган.
Чегара мажмуасида меҳмонларни кутиб олишга бағишланган тадбирдан сўнг, Сапар Исаков раҳбарлигидаги делегация Фарғона вилоятига жўнаб кетди.
Фарғонада Ўзбекистон ва Қирғизистон бош вазирлари раислигидаги икки давлат чегарадош вилоятлари раҳбарлари кенгашининг биринчи йиғилиши бўлиб ўтади.
Изоҳ (0)