Президентнинг 28 мартдаги фармойишида қонунчилик фаолиятини такомиллаштириш концепциясини амалга оширишнинг асосий қоидалари ва муддатлари белгилаб қўйилди, деб ёзади Norma.
Концепция лойиҳаси жамоатчилик муҳокамасига қўйилади ва Интернет тармоғига жойлаштирилади. Ҳужжат 2027 йилгача бўлган узоқ муддатли истиқболга мўлжалланган.
Қабул қилинган фармойишда норматив-ҳуқуқий ҳужжатларнинг вазирликлар, давлат қўмиталари ва муассасалар томонидан қабул қилиниши амалиётига бутунлай нуқта қўйиш ҳақида айтилади. Бундан ташқари, Президент, Ҳукумат, жойлардаги давлат ҳукумати органлари ҳужжатлари камаяди. Уларнинг ўрнини тизимлашган, кодификация қилинган бевосита таъсир этувчи қонунлар эгаллайди. Бу қонунлар янада батафсилроқ бўлади, уларни қўллаш учун қўшимча қонун ҳужжатларини қабул қилиш талаб этилмайди.
Шунингдек, лоббилаштириш — қонун чиқариш ташаббусларини киритиш ва илгари суриш тартиби ишлаб чиқилади. Айни пайтда қонунчилик ташаббуси ҳуқуқига Президент, Қорақалпоғистон Республикаси Жоқорғи Кенгеси, Қонунчилик палатаси депутатлари, Вазирлар Маҳкамаси, Конституциявий суд, Олий суд ва Бош прокурордан иборат 8 та субъект эгадир. Истиқболда ушбу рўйхат кенгайиши мумкин.
Изоҳ (0)