Анвар Собиров: «Жийда гули» фильмидан сўнг кўчада юролмай қолгандим (видео)

Алишер Навоий номли кино саройида режиссёр Иброҳим Расуловнинг «Оппоқ орзулар» фильмининг премьераси бўлиб ўтди. «Дарё» мухбири Феруз Муҳаммад мазкур премьерада меҳмон бўлди.

Фильмда бош ролни ижро этган хонанда ва актёр Анвар Собиров «Бегона баҳор» ва «Жийда гули» фильмларидаги салбий роллари туфайли кўплаб мухлисларнинг эътирозларига сабаб бўлгани ҳақида гапириб берди.

Аёлларга қараб бир гапни айтмоқчиман: «Бегона баҳор», «Жийда гули»,  фильмларидан сўнг мени кўчада кўриб қолсангиз «башаранг қурсин сени», дея сўкиб юрган эдингиз. «Оппоқ орзулар» фильми билан ўзимни оқламоқчиман, фильмни кўриб, премьерадан чиққандан сўнг «раҳмат десангиз», бошим осмонга етади. «Жийда гули»дан сўнг кўчада юролмай, аёлларга ҳурматсизлик қиладиган инсон сифатида гавдаланиб қолган эдим, аслида ундай эмас. «Оппоқ орзулар» садоқат ва муҳаббатга қурилган, фильмни кўриб ўз фикрларингизни билдирасиз деган умиддамиз.

Анвар Собиров, хонанда ва актёр