Хитой ҳукумати Жанубий Кореяни КХДР етакчиси Ким Чен Иннинг 25—28 март кунларидаги ташрифи ҳақида олдиндан хабардор қилган. Бу ҳақда журналистлар учун брифингда Корея Республикаси президенти маъмуриятининг расмий вакили маълум қилди, деб ёзади «ТАСС».
«Биз Хитойдан Ким Чен Ин Пекинга ташриф билан келиши ҳақида олдиндан хабар олдик», — деди у.
Айни вақтда мансабдор ХХР Сеулга тегишли билдиришномани айнан қачон юборгани ҳақидаги саволга жавоб беришга қийналди.
У, шунингдек, ХХР Коммунистик партияси Марказий қўмитаси Сиёсий бюроси аъзоси Ян Цзэчи Жанубий Корея ҳукуматини Хитой раиси Си Цзиньпин ва КХДР етакчиси Ким Чен Ин ўртасидаги музокаралар натижалари ҳақида хабардор қилиш учун 29 март, пайшанба куни Сеулга келишини маълум қилди.
Аввалроқ Хитой Халқ Республикаси ҳукумати 27 март, сешанба куни Оқ уйни КХДР етакчиси Ким Чен Иннинг Пекинга ташрифи ҳақида хабардор қилгани маълум қилинган эди.
Изоҳ (0)