26 март куни Аризона штати ABC15 телеканали электр узатиш столбаларидан бирида Жипси лақабли мушук бир неча кундан буён ерга туша олмаётганлиги ҳақидаги хабарни олди. Журналистлар столбага йўл олиб, мушукни Facebook’да трансляция қила бошлади, деб ёзади TJournal.
Стрим бир ярим соатга яқин давом этган. Мухбир мунтазам равишда мушук ҳаракатларига шарҳ бериб борган. ABC15 эфири 500 мингдан ортиқ кишининг эътиборини жалб этган. Facebook’даги видео 20 мингга яқин изоҳ тўплаган.
Трансляция ўрталарида фойдаланувчилар ташаббусни ўз қўлига олиб, Жипсини ўт ўчирувчилар қутқариши учун 911 рақамига қўнғироқ қила бошлаган. Бироқ улар вазиятдан хабардор эканлигини маълум қилган.
Кейинроқ телеканал нарвон олиб келган маҳаллий фуқаро мушукни қутқарганлигини хабар қилган. Шу билан трансляция ўз якунига етган.
Изоҳ (0)