9 март куни Буюк Британиянинг Бирмингем шаҳридаги кинотеатрлардан бирида тушириб юборган телефонини кўтаришга эгилган томошабиннинг боши ўриндиққа қисилиб қолди ва у бунинг оқибатида вафот этди. Бу ҳақда The Telegraph нашрига таяниб, Hi-Tech.Mail.Ru хабар берди.
Исми ва ёши маълум қилинмаган томошабин ҳамда унинг ҳамроҳи электрон механизмларга эга ўриндиқлар ўрнатилган VIP-залда ўтирган. Эркак телефонини ўриндиқ орасига тушириб юборган ва уни топиш учун эгилган. Шу вақтда вертикал ҳолатда турган ўриндиқ ўтирғичи пастга тушиб, эркакнинг бошини полга қаттиқ эзиб қўйган.
Эркак қисилиб қолганидан ваҳима кўтарган. Унинг ҳамроҳи ҳамда кинотеатр ходимлари эркакни чиқариб олишга уринган, улар ўриндиқни синдиришга мажбур бўлишган. Стресс оқибатида эркакнинг юраги тўхтаб қолган. Эркак зудлик билан шифохонага етказилганига қарамай, у 16 март куни вафот этган.
Изоҳ (0)