Сеул маъмурияти ишда ушланиб қолмасликлари учун жума кунлари ходимларининг компьютерлари ўчириб қўйилишини билдирди. Бу ҳақда Meduza хабар бермоқда.
Ташаббус 30 мартдан бошланади, уч ой давом этади ва уч босқичга бўлинади. Биринчи босқичда компьютерлар 20:00, иккинчисида — апрель ойида 19:30 ва учинчисида — май ойида ҳар жума 19:00 да ўчирилади.
Мерия вакилларининг сўзларига кўра, компьютерларнинг автоматик тарзда ўчирилиши барча ходимларга тааллуқли бўлади. Фақат фавқулодда ҳолатларда истиснога йўл қўйилади.
Шуниси ҳам борки, давлат хизматчиларининг 67 фоизи ўзларини компьютерларни мажбурий ўчириш дастурига киритмасликни сўраган.
Изоҳ (0)