2018 йилнинг 13 март куни соат тахминан 2:30да Тошкент вилояти, Чирчиқ шаҳридаги Бобур шоҳкўчасида жойлашган Technoshop дўкони ойнаси номаълум шахслар томонидан синдириб кетилди. Бу ҳақда UzNews хабар бермоқда.
Айнан шу куннинг ўзида ушбу жой иш юритувчиси Беҳруз Йўлдошев дўконга ўрнатилган сигнализация ишлаб кетгани борасида қўриқлаш хизмати ходимлари томонидан огоҳлантирилган.
Беҳруз Йўлдошев воқеа жойига етиб келганида қўриқлаш хизмати ходимлари ҳам шу ерда эканлигининг гувоҳи бўлади. Дўконнинг ойналари синдириб кетилган, лекин унинг ичидан ҳеч нарса ўғирланмагани аниқланади.
Шундан сўнг бу бинода ўрнатилган видеокузатувлар орқали ойналарни ким синдиргани ҳолати синчиклаб кузатилади ва икки фуқаро ойналарни синдирганлиги қайд этилади. Улар бош кийими кийиб олганлиги сабабли шахсини аниқлаш имкони бўлмайди.
Шундан сўнг бош офис директори ўринбосари Ёқубжон Қосимов 102 қисқа рақамига қўнғироқ қилиб, бу иш юзасидан ИИБни огоҳлантиради ва воқеа жойига ИИБ ходимлари етиб келиб, ўрганиш ишларини олиб боради.
Беҳрўз Йўлдошев ҳамда Шаҳзод Комилов бу жойни тартибга келтираётган вақтда, яъни 14 март куни номаълум икки фуқаро шу дўконга келгани ва улар видеокузатувдаги ойнани синдирган шахсларга, уларнин кийиб олган либослари ҳам айнан уларникига ўхшаш эканлигини пайқаб қолади.
Беҳруз Йўлдошев бу воқеа юзасидан ИИБ ходимларига хабар беради ва ўз тахминларини илгари суради.
ИИБ ходимлари томонидан олиб борилган тезкор суриштирув натижасида ойнани синдирган шахслар айнан улар эканликлари аниқланди. 20 ёшли бу икки фуқаро ўз айбларига иқрор бўлди.
Шунингдек, бу икки йигит шу куннинг ўзида Cobalt ва Nexia русумли автомашиналарнинг ҳам ойналарини синдириб, уларнинг ичидан ҳайдовчиларга тегишли буюмларни ўғирлагани аниқланди.
Изоҳ (0)