Телефон ўйинларига берилиб кетган хитойлик аёлнинг миясида тромблар пайдо бўлгани сабабли, уни операция қилишга тўғри келди, деб хабар беради Daily Mail.
Аёл Хенандан Гуандунга боргунига қадар ўтадиган 20 соатни ўриндиқда ёнбошлаган ҳолда телефон ўйнаб ўтказишга қарор қилди. 47 ёшли аёл манзилига етиб бориб, патформадан чиқиши билан ҳушини йўқотди. У зудлик билан шифохонага ётқизилди. МРТ натижаларига кўра, аёлнинг миясида бир нечта тромблар борлиги аниқланди.
Шифокорларнинг таъкидлашича, тромблар аёлнинг миясида унинг узоқ муддат бир ҳолатда ўтириб, телефон ўйнагани сабабли юзага келган бўлиши мумкин.
Қайд этилишича, сўнгги пайтларда бундай ҳолатлар асосан телефон ўйинларига қизиқувчи ёшлар ўртасида кўп учрамоқда.
Аёл операциядан кейин ўзини яхши ҳис қилмоқда, у шифохонада ҳам вақтини телефон ўйнаб ўтказмоқда.
Изоҳ (0)