Британиялик уйсиз кишининг ҳаёти унга ўткинчи бир киши смартфон совға қилганидан кейин тубдан ўзгарди. Бу ҳақда The Sun хабар берди.
Чарли Хеннеси исмли эркак уйли бўлиш учун олти йил давомида Лондонда иш излаган, бироқ бундан ҳеч нарса чиқмаган. 2018 йилнинг бошида нотаниш киши Хеннесига эски смартфонни берганидан сўнг вазият бутунлай ўзгарди.
Уйсиз киши маҳаллий кафе яқинида бепул Wi-Fi топган. У Twitter’да рўйхатдан ўтиб, постлар ёзишни бошлаган. Биринчи твитларда Хеннеси телефон қаердан келгани ва тармоққа қандай киргани ҳақида ҳикоя қилган. Кейинроқ у мос келувчи қувватлаш қурилмасини топганини қўшимча қилган.
Шундан сўнг у ижтимоий тармоқдан ўзининг муаммолари ва соғлик ҳолати ҳақидаги фикрларни улашиш учун фойдалана бошлаган. Унинг пости уч мингтадан ортиқ ретвит ва саккиз мингта лайк тўплаган.
Хеннеси тармоққа кирганидан 24 соат ўтиб, унинг биринчи обуначилари пайдо бўлган ва унинг оғир ҳолатда эканлигини кўриб, уни қўллаб-қувватлай бошлаган. Бир ҳафтадан сўнг уни минглаб кишилар кузата бошлаган. Баъзилар унга пул берган ва егулик сотиб олишни таклиф қилган.
Кейинги куни эса Хеннеси унга Брайтонда иш таклиф қилинганини айтган. У дарҳол суҳбатга борган: обуначилар туфайли у тунни бошқа шаҳарда ўтказиш учун пул тўплай олган.
Изоҳ (0)