Канада расмийлари Бельгия қироли Филипп ва қироличаси Матильданинг Оттавага ташрифи чоғида Бельгия байроғи ўрнига Германия байроғини ўрнатди. Бу ҳақда, CBC телеканалига таяниб, «ТАСС» хабар берди.
Канада генерал-губернатори қароргоҳининг матбуот котиби томонидан айтилишича, қароргоҳ ҳудудида дарахт экиш маросимига тайёргарлик чоғида байроқлар билан боғлиқ ғалати ҳолат юзага келган. Байроқлар алмашиб қолганини сезган ходимлар хатоликни қироллик жуфтлиги етиб келишидан олдин бартараф қилган.
Изоҳ (0)