«Кортеж» лойиҳаси доирасида ишлаб чиқилган седан ва минивен 29 августдан 9 сентябрга қадар Москвада бўлиб ўтадиган автосалонда намойиш қилинади, деб хабар берди «Мотор».
Бунга қадар «Кортеж» автомобилининг илк дебюти май ойида бўлиб ўтиши ҳамда машиналар президент инаугурациясида синовдан ўтказилиши тахмин қилинганди.
Саноат ва савдо вазири Денис Мантуровнинг айтишича, жорий йилда 70 га яқин «Кортеж» автомобили фойдаланишга топширилади, мамлакат амалдорлари эса 2018 йилнинг охирида ёки 2019 йил бошида мазкур машиналардан фойдаланишга ўтади.
Айни вақтда лойиҳа автомобиллари синовдан ўтказилмоқда — синов май ойида якунланади. Бундан ташқари 16 та шу нусхадаги автомобиллар Федерал қўриқлаш хизматига ҳам берилади.
Эслатиб ўтамиз, аввалроқ мазкур лойиҳа автомобилларининг минимал жамланмаси 6—7 миллион рубль бўлиши ҳақида хабар берилганди.
Изоҳ (0)