Ташқи савдо вазирлигида Халқаро валюта жамғармаси делегацияси билан учрашув бўлиб ўтди. Бу ҳақда вазирлик матбуот хизмати маълум қилди.
Учрашув давомида вазирлик вакиллари ХВЖ делегациясини мамлакатда иқтисодиётни либераллаштириш ва диверсификация қилиш, экспортни қўллаб-қувватлаш бўйича амалга оширилаётган ислоҳотлар ҳақида хабардор қилди. Вазирлик ҳамкор ташкилотлар билан биргаликда халқаро савдо операцияларини бажаришда харидор ва сотувчилар ўртасидаги алоқаларни осонлаштиришга ёрдам берадиган электрон савдо майдонини ишга туширишга тайёргарлик кўраётгани таъкидланди.
ХВЖ делегацияси Ўзбекистонда ташқи иқтисодий фаолиятни тартибга солувчи шартларни соддалаштириш, маҳаллий ва хорижий бизнес учун тенг шароитларни вужудга келтириш бўйича олиб борилаётган кенг кўламли ишларга юксак баҳо берди.
Учрашувда 2017 йил якунлари бўйича мамлакатнинг асосий савдо шериклари билан экспорт ҳажми салмоқли даражада ошгани, унда хом ашё экспорти улуши камайгани қайд этилди.
Изоҳ (0)