Хитой Халқ Республикаси раҳбарияти табиий газ импорти соҳасида Россия ва Марказий Осиё мамлакатлари билан яқин ҳамкорлик қилишни режалаштирмоқда, деб ёзади SNG Today. Ушбу қадам мамлакатнинг шимолий ҳудудларини газ билан таъминлашда 2017 йил қишида юзага келган муаммоларнинг такрорланишига йўл қўймасликка қаратилган чора-тадбирлардан бирига айланади.
Хитойда табиий газ истеъмоли ҳажми доимий равишда ўсиб бормоқда. Чунончи, 2017 йил якунларига кўра, ушбу кўрсаткич 34 миллиард кубометрга ошган ва Хитой тарихидаги рекорд даражага етган.
Хитойнинг ўсиб бораётган эҳтиёжларини қондиришда жиддий ролни чет эллик етказиб берувчилар ўйнаши керак. Улар айни пайтда мамлакатда истеъмол қилинаётган табиий газнинг қарийб 40 фоизини таъминламоқда, келажакда эса ушбу рақам фақат ўсиб бориши тахмин этилмоқда.
Россиянинг «Газпром» компанияси Хитой газ бозоридаги улушини ошириш бўйича жиддий режалар тузмоқда. Бу йўналишда Остона ҳам олға силжиб, Пекин билан газ экспорти ҳажмини йилига 10 миллиард кубометргача етказиш ҳақида битим тузишга улгурди.
Айни вақтда Хитойнинг CNPC компанияси Ўзбекистон энергетика бозорини фаол ўзлаштирмоқда, у ерда яқин вақтлар ичида 8 та янги кон қазиш, газ етказиб бериш ҳажмини эса 1 миллиард кубометрга етказиш режалаштирилмоқда.
Изоҳ (0)