29—31 март кунлари Туркманистоннинг Ашхобод шаҳрида Ўзбекистондаги корхоналар ва экспорт учун мўлжалланган маҳсулотлар ишлаб чиқарувчи тадбиркорларнинг Made in Uzbekistan кўргазмаси бўлиб ўтади, деб хабар беради UzDaily.
Кўргазмадан кўзланган асосий мақсад — Ўзбекистон саноат компанияларини ривожлантириш ва инвестицион ютуқларини Туркманистон бозорида намойиш этиш.
Кўргазма доирасида Туркманистон ва бошқа хорижий давлатлар ишбилармонлари билан шартнома имзолаш учун турли инвестицион лойиҳалар тақдимоти ҳам бўлиб ўтади. Шунингдек, Туркманистон ишбилармонлар доираси ва тадбиркорларига Ўзбекистоннинг маданий-тарихий мероси ва илмий-ишлаб чиқариш салоҳияти билан яқиндан танишиш имконияти яратилади.
Кўргазма экспозицияси иккита блокдан иборат бўлади. Биринчи блок 500 метр квадрат очиқ майдонда иккинчи блок 1500 метр квадрат ёпиқ майдонда жойлашади.
Кўргазмада 100 дан ортиқ маҳаллий корхона, компания ва фирмалар иштирок этади.
Тадбир доирасида Ўзбекистон ва Туркманистон тадбиркорлари иштирокида бизнес-форум ва ўзбекистонлик хонандалар иштирокида концерт дастури ўтказилади.
Изоҳ (0)