Суперлига. Амалдаги чемпион «Локомотив» 2-турдаёқ очко йўқотди. «Насаф» эса иродали ғалабага эришди

Футбол бўйича Ўзбекистон Суперлигасининг 2-турига келиб мамлакатнинг сўнгги икки йилликдаги чемпиони «Локомотив» 2 очко бой берди.

Суперлига ўйинлари трансляциясида ўсишга эришилгач, МОҚ президенти Аҳмаджонов МТРК раиси Ходжаев билан учрашди

«Темирйўлчилар» ўз майдонида «Металлург»ни қабул қилиб, 1:1 ҳисобида дуранг ўйнади. 12 март куни бўлиб ўтадиган Чемпионлар Лигасининг 4-турига тайёргарлик кўраётган «Локомотив» бош мураббийлари асосий таркибнинг бир қатор футболчиларини майдонга чиқармади. Шу куни Игнатий Нестеров, Икром Алибоев, Ислом Тўхтахўжаев, Санжар Шоаҳмедов каби футболчилар ўйинга қўйилмади. Шуҳрат Муҳаммадиев, Сардор Мирзаев ва Марат Бикмаев эса захирадан учрашувга қўшилди, бироқ бу «Локо»ни очко йўқотишдан сақлаб қола олмади.

«Локомотив» илк турни Навоийда ўтказиб, «Қизилқум» устидан 3:0 ҳисобида зафар қучганди. «Металлург» эса ўз уйида «Навбаҳор»ни енга олмаганди — 0:0.

Суперлига 2-турининг яна бир ўйинида Қаршининг «Насаф» клуби «Бухоро»ни таслим қилди. Бухоролик футболчилар 1-турда қўқонликлардан минимал ҳисобда устун келган бўлса, «Насаф» Фарғонада «Нефтчи»ни мағлуб эта олмаганди. Томонларнинг ўзаро ўйинида Рўзиқул Бердиев шогирдлари 3:1 ҳисобида муваффақият қозонди.

Суперлига. 8 март водий клублари учун аталди. Равшан Эрматов эса Миржалол Қосимовни майдондан четлатди

Ўзбекистон Суперлигаси 2-тур беллашувлари 9 март, жума

«Насаф» — «Бухоро» 3:1

Голлар: Санъат Шихов, 18 (0:1). Азиз Ғаниев, 34 (1:1). Бобур Абдухолиқов, 47 (2:1). Славко Лукич, 93+ (3:1).

«Локомотив» — «Металлург» 1:1

Голлар: Диёр Туропов, 8 (1:0). Павел Пуришкин, 76 (1:1).Четлатиш: Диёр Туропов, 90 (Л).

10 март, шанба«Бунёдкор» — «Пахтакор» 17:30«Сўғдиёна» — «Нефтчи» 20:00