Bugun,

  • USD 11095.31
  • RUB 173.84
  • EUR 10772.44

Bugun — 9-mart kuni MTRK raisi Alisher Xodjayev hamda MOQ prezidenti Umid Ahmadjonov uchrashuvi bo‘lib o‘tdi. MOQ matbuot xizmatining xabar berishicha, Medimarkaz binosida bo‘lib o‘tgan suhbatda “Sport” telekanali direktori Zohid Karimov hamda Sport vaziri Shoakram Isroilov ham ishtirok etgan.

Foto: MOQ

Foto: MOQ

Bunda ikki tomon o‘zaro aloqalarni mustahkamlash masalasida fikr almashgan. Unga ko‘ra, MTRK ijodiy va texnik guruhi xalqaro musobaqalarga MOQ hisobidan borishi yo‘lga qo‘yiladi. Bunda Osiyo va Olimpiada o‘yinlari, jahon va qit’a chempionatlari nazarda tutilgan. Shuningdek, Gran pri turnirlarga televideniye vakillarining akkreditatsiyadan o‘tishiga ham MOQ bevosita yordam beradi.

Foto: MOQ

Foto: MOQ
Biz o‘zaro aloqalarni kengaytirish tarafdorimiz. Bu yildan boshlab futbol bo‘yicha O‘zbekiston Superligasining barcha uchrashuvlarini Sport-TV orqali jonli translyatsiya qilishni yo‘lga qo‘ydik. Demak, eng avvalo muxlislar uchun ajoyib sovg‘a hozirladik. Bu nafaqat MTRK, balki PFLning ham yutug‘i bo‘ldi. O‘zaro hamkorligimiz natija bera boshladi. Tashabbusimizni qo‘llab-quvvatlagani uchun Alisher Jo‘raqulovichga minnatdorchilik bildiraman.

Umid Ahmadjonov, MOQ prezidenti

MTRK raisi Alisher Xodjayev Sport-TV MOQning eng yaqin hamkori bo‘ladi, deb va’da bergan. Endilikda telekanal sport translyatsiyalarini amalga oshirishda bor imkoniyatini ishga soladi.
Bugungi uchrashuvdan juda hursand bo‘ldim. Boisi o‘zaro hal etiladigan masalalar to‘planib qolgandi.

Eng avvalo sport vaziridan viloyatlardagi sport inshootlaridan jonli efirga chiqish uchun sharoitlar yaratib berishni iltimos qilardim. Biz to‘g‘ridan-to‘g‘ri efir tarafdorimiz. Ammo hamma sport majmualarida ham bunga sharoit yo‘q. Ayniqsa, viloyatlardagi inshootlarning komunikatsiyasiga e’tibor kuchaytirilsa, nur ustiga a’lo nur bo‘lardi. Birida telekomunikatsiya muammolari bor, ba’zilarining esa yoritish tizimida kamchiliklar ko‘rinadi. Agar shu muammolarni bartaraf etishda yordam bersangiz, jonli efirlar masalasi hal etilardi.

Alisher Xodjayev, MTRK raisi

Foto: MOQ

Foto: MOQ

Sport vaziri Shoakram Isroilov bu borada ish olib borishga va’da berdi. Keyinroq esa uchrashuv ishtirokchilari MTRK studiyalaridan biriga kirdi. Sport-TV mazkur studiyada yangi loyihani yo‘lga qo‘yishni rejalashtirgan. Shartli nomi “Sport klub” bo‘lgan onlayn dasturda aholi dardini eshitish, sport federatsiyalari rahbarlari bilan jonli muloqotlar qilish va boshqa masalalar o‘rin oladi.

Izoh
Asosiy yangiliklar
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?