Superliga. Amaldagi chempion “Lokomotiv” 2-turdayoq ochko yo‘qotdi. “Nasaf” esa irodali g‘alabaga erishdi

Futbol bo‘yicha O‘zbekiston Superligasining 2-turiga kelib mamlakatning so‘nggi ikki yillikdagi chempioni “Lokomotiv” 2 ochko boy berdi.

Superliga o‘yinlari translyatsiyasida o‘sishga erishilgach, MOQ prezidenti Ahmadjonov MTRK raisi Xodjayev bilan uchrashdi

“Temiryo‘lchilar” o‘z maydonida “Metallurg”ni qabul qilib, 1:1 hisobida durang o‘ynadi. 12-mart kuni bo‘lib o‘tadigan Chempionlar Ligasining 4-turiga tayyorgarlik ko‘rayotgan “Lokomotiv” bosh murabbiylari asosiy tarkibning bir qator futbolchilarini maydonga chiqarmadi. Shu kuni Ignatiy Nesterov, Ikrom Aliboyev, Islom To‘xtaxo‘jayev, Sanjar Shoahmedov kabi futbolchilar o‘yinga qo‘yilmadi. Shuhrat Muhammadiyev, Sardor Mirzayev va Marat Bikmayev esa zaxiradan uchrashuvga qo‘shildi, biroq bu “Loko”ni ochko yo‘qotishdan saqlab qola olmadi.

“Lokomotiv” ilk turni Navoiyda o‘tkazib, “Qizilqum” ustidan 3:0 hisobida zafar quchgandi. “Metallurg” esa o‘z uyida “Navbahor”ni yenga olmagandi — 0:0.

Superliga 2-turining yana bir o‘yinida Qarshining “Nasaf” klubi “Buxoro”ni taslim qildi. Buxorolik futbolchilar 1-turda qo‘qonliklardan minimal hisobda ustun kelgan bo‘lsa, “Nasaf” Farg‘onada “Neftchi”ni mag‘lub eta olmagandi. Tomonlarning o‘zaro o‘yinida Ro‘ziqul Berdiyev shogirdlari 3:1 hisobida muvaffaqiyat qozondi.

Superliga. 8-mart vodiy klublari uchun ataldi. Ravshan Ermatov esa Mirjalol Qosimovni maydondan chetlatdi

O‘zbekiston Superligasi 2-tur bellashuvlari 9-mart, juma

“Nasaf” — “Buxoro” 3:1

Gollar: San’at Shixov, 18 (0:1). Aziz G‘aniyev, 34 (1:1). Bobur Abduxoliqov, 47 (2:1). Slavko Lukich, 93+ (3:1).

“Lokomotiv” — “Metallurg” 1:1

Gollar: Diyor Turopov, 8 (1:0). Pavel Purishkin, 76 (1:1).Chetlatish: Diyor Turopov, 90 (L).

10-mart, shanba“Bunyodkor” — “Paxtakor” 17:30“So‘g‘diyona” — “Neftchi” 20:00