Иккита номинация бўйича «Оскар» мукофотини қўлга киритган «Миссури, Эббинг чегарасидаги учта реклама тахтаси» фильмининг сюжети ташқи реклама ёрдамида полициянинг эътиборини қизининг ўлимига қаратган аёл атрофида қурилган. Аёл шаҳар четидаги учта реклама тахтасини сотиб олган ва уларга «Ўлаётганнинг зўрланиши. Ҳалигача ҳеч ким қўлга олингани йўқ. Қандай қилиб бундай бўлиши мумкин, бошлиқ Уиллоуби?», деб ёзган.
Фильмдан турли соҳадаги фаоллар намуна олиб, Лондондаги йирик ёнғиннинг секинлаб қолган тергови ва АҚШ мактаблардаги отишмаларга расмийларнинг эътиборини қаратди.
TJournal’нинг ёзишича, Америка ташқи рекламалар ассоциацияси фильм ижодкорларини унда реклама тахталарининг замонавий дунёдаги «самарадорлиги ва долзарблиги»ни кўрсатиб бергани учун миннатдорчилик билдирган.
Реклама саноати вакиллари февраль ойининг охирида Нью-Йорк, Лос-Анжелес ва Шимолий Каролинада «Бу реклама тахтаси ‘Оскар’га муносиб», «Бутун дунёдаги реклама тахталари номидан — сизга раҳмат» ва «Голливуд чегарасидаги тўртта ‘Олтин глобус’» ёзувли реклама тахталарини жойлаштирган.
Изоҳ (0)