Саудия Арабистони ахборот ва маданият вазирлиги 2 март куни кинотеатрлар бошқарувига 30 йиллик тақиқдан сўнг лицензия бера бошлади. Эндиликда мамлакатда катта экранларда кино намойишига рухсат берилади, деб хабар беради «РИА Новости».
Саудия Арабистонда 1980 йилнинг бошларида кинотеатрлар тақиқланган эди. Қироллик фуқаролари кино кўриш учун қўшни Баҳрайнга борар эди.
«Саудия Арабистонда кинотеатрлар фаолиятини ташкил этиш учун лицензия бериш шартлари тўхтатилган эди. Лицензия бериш жараёни бошланди», — дейилади хабарда.
2030 йилга келиб қиролликда 300 дан ортиқ кинотеатрлар фаолият юритади. Уларнинг икки мингдан ортиқ экранларида кенг омма учун фильмлар намойиш этилади. Фильмлар мамлакатнинг маънавий қадриятларига салбий таъсир кўрсатмаслиги учун улар цензура назоратидан ўтказилади.
Изоҳ (0)