Тошкент вилоятининг эркин иқтисодий ва кичик саноат зоналари маъмурий кенгаши томонидан «‘Ангрен’ ЭИЗ ҳудудида ёғ-мой маҳсулотларини ишлаб чиқаришни ташкил қилиш» инвестиция лойиҳаси маъқулланди, деб ёзади UzReport.
Лойиҳага Сингапурнинг Organic Plus PTE Ltd. ва Sidas Global PTE Ltd. компаниялари инвесторлик қилмоқда. Лойиҳа қиймати 10,7 миллион долларга, корхонанинг йиллик лойиҳавий қуввати — 134,3 минг тонна ёғ-мой маҳсулотига тенг (комбинацияланган ёғ, маргарин, ўсимлик ёғи ва қандолат ёғи).
6 март куни «Ангрен» ЭИЗ дирекцияси томонидан Top Oil МЧЖ ҚКга «Ангрен» ЭИЗ иштирокчиси гувоҳномаси берилди, у иштирокчи корхоналарга божхона ва солиқ имтиёзларидан фойдаланиш имконини беради. Корхонада Ангрен шаҳар аҳолиси учун 100 та янги иш ўрни яратилади. Корхонанинг ишга туширилиш муддати — 2018 йил учинчи чораги.
Изоҳ (0)