Тожикистондан Ўзбекистонга электр энергияси 1,5 миллиард кВт∙соатгача бўлган миқдорда етказиб берилади, деб ёзади «Ўзбекэнерго» АЖ матбуот хизмати.
«Савдо-иқтисодий ҳамкорлик борасида ҳукуматлараро комиссия мажлиси баённономаси бандларини бажариш бўйича ишчи комиссия йиғилиши давомида Тожикистон Республикаси Энергетика ва сув хўжалиги вазирлиги билан Тожикистондан Ўзбекистон Республикасига 2018 йил вегетация даврида ўзаро фойдали техник-иқтисодий шартлар бўйича 1,5 миллиард кВт∙соатгача бўлган миқдорда электр энергиясини етказиб бериш тўғрисида келишувга эришилди», — дейилади хабарда.
Тожикистондан Ўзбекистонга 2018—2019 йилларнинг қишки мавсумида электр энергиясини етказиб бериш қўшимча равишда кўриб чиқилади.
Изоҳ (0)