Facebook компаниясининг асосчиси Марк Цукерберг ва унинг рафиқаси Присцилла Чан Гарвард университети ва Массачусетс технология институтига 30 миллион доллар ҳадя қилади. Хайрия маблағи кичкина синфларда таълим олувчилар орасида саводхонликнинг паст даражасига қарши курашишга қаратилади. Бу ҳақда 6 март куни The Boston Globe газетаси маълум қилди, деб ёзади «ТАСС».
Reach Every Reader номини олган таълим ташаббуси беш йилга мўлжалланган.
Университетлар унинг доирасида тармоқли воситани яратишни режалаштирмоқда. Восита таълим олувчилари ўқишда жиддий қийинчиликларни бошдан кечираётган ўқув муассасаларини аниқлаш, уларнинг сабаби нимада эканлигини аниқлаб, ўқитувчилар ва ота-оналар болаларнинг ўқиш кўникмаларини ошириш учун қўллаши мумкин бўлган усулларни таклиф қилиш имконини беради.
Изоҳ (0)