Украина президенти Пётр Порошенконинг машиналаридан бири уриб кетган пенсионер айбни ўз бўйнига олди, деб ёзади «Украинское время». Мамлакат ички ишлар вазири Арсен Аваковнинг сўзларига кўра, кекса фуқаро йўл ҳаракати қоидаларини бузганлигини тан олган.
Йўл-транспорт ҳодисаси 6 март куни Киевдаги кўчалардан бирида юз берди. Йўл ҳаракатини тартибга солувчи посбон президент кортежи ўтиб кетиши учун чорраҳада ҳаракатни тўхтатган. У Порошенкога ҳамроҳлик қилаётган полиция машинасини ўтказиб юборгач, йўлни бир эркак кесиб ўта бошлаган. Шунда уни пиёдалар ўтиш жойида кортеждаги иккинчи автомобиль уриб кетган.
Гувоҳлар айтишича, машина югуриб ўтаётган қарияни тахминан соатига 80 км тезликда уриб кетган. Унга патруль ходимлари биринчи ёрдам кўрсатиб, тез ёрдам чақирган. У операция қилинган, айни пайтда аҳволи оғир эмас, деб баҳоланмоқда.
Изоҳ (0)