АҚШнинг Техас штатидаги Хьюстон шаҳрида яшовчи Жейсон Гриффин ўқ ўтказмайдиган жилетни кийиб кўраётган ўртоғини тасодифан отиб қўйди. Бу ҳақда ABC 13 хабар берди.
Эркак қўлга олинган. Унга нисбатан қасддан қилинмаган қотиллик, ўқ отар қуролни ноқонуний сақлаш ва қурол билан жиддий жиноят содир этиш айбловлари билан жиноят иши қўзғатилган.
Байрам вақтида Гриффиннинг таниши ўқ ўтказмайдиган жилет кийган ва унга қарата ўқ узишни сўраган. Гриффин эса тўппончаси билан унга қарата ўқ узган. Воқеага гувоҳ бўлган қизнинг айтишича, эркак қурол ўқланган эканлигини билмаган.
Ўқ қурбон бўлган эркакнинг кўкрагига теккан. У оғриқдан бақириб, йиқилган. Гриффин ундан жилетни ечган ва ёрдам беришга уринган, бундан фойда чиқмагач, воқеа жойидан қочиб кетган. Кейинроқ у ортига қайтган ва ўзини полицияга топширган.
Изоҳ (0)