АҚШ Давлат департаменти Шимолий Корея етакчисининг акаси Ким Чен Нам кимёвий қурол билан ўлдирилгани туфайли КХДРга нисбатан санкциялар киритилишини эълон қилди, деб ёзади «РБК».
«22 февраль куни АҚШ шундай хулосага келдики, Шимолий Корея ҳукумати Кимёвий қурол қўллашнинг тақиқланиши тўғрисидаги халқаро конвенцияни бузиб, Ким Чен Намни ўлдириш учун VX моддасидан фойдаланган, — дейилади АҚШ Давлат департаменти баёнотида. — Янги чеклов чоралари АҚШ аввалроқ КХДРнинг ноқонуний хатти-ҳаракатлари олдини олиш учун жорий қилган ва аллақачон амалда бўлган кенг қамровли санкцияларни тўлдиради».
Ким Чен Нам 2017 йил 13 февраль куни Куала-Лумпур аэропортида ўлдирилган эди. Эркакнинг терисида кимёвий қурол ҳақидаги халқаро конвенция томонидан тақиқланган VX кимёвий қуроли излари топилган.
Изоҳ (0)