Саудия Арабистони Миср ҳудудида мегашаҳар қуради, деб ёзади CNBC Саудия Арабистони валиаҳд шаҳзодаси Муҳаммад бин Салмон Ал Сауднинг баёнотига таяниб. У лойиҳа ҳақида Миср президенти Абдул Фаттоҳ ас-Сисий билан учрашувдан кейин маълум қилган.
Шаҳар Синай ярим оролининг жанубида жойлашади. Лойиҳа учун ҳажми 10 миллиард долларга тенг тараққиёт фонди яратилади. Мегашаҳар қурилиши бўйича битим ҳақида Мисрдаги президент сайловларидан уч ҳафта аввал эълон қилинди, унда ас-Сисий иккинчи муддатга номзодини қўйган.
2017 йилнинг октябрида Муҳаммад бин Салмон Ал Сауд Саудия Арабистонида Қизил денгиз соҳилида NЕОМ инновацион шаҳрини қуриш режалари ҳақида эълон қилган эди. У қироллик шимоли-ғарбида қурилади — Синай ярим оролининг Мисрга тегишли ҳудудидан уни Қизил денгиз кўрфази ажратиб туради.
Изоҳ (0)