КХДР етакчиси Ким Чен Ин Жанубий Корея президенти махсус вакиллари делегациясини қабул қилди. Бу ҳақда «РИА Новости» хабар бермоқда.
Учрашув давомида Ким Чен Ин «ватанни бирлаштиришда янги тарих бошланаётгани»ни билдирди. Унга Жанубий Корея президенти Мун Чже Иннинг мактуби топширилди.
Шимолий Корея марказий телеграф агентлигига кўра, Ким Чен Ин махсус вакиллардан «президент Мун Чже Иннинг олий даражада учрашув ўтказиш истагини эшитди, улар билан фикр алмашди ва бунга ижобий жавоб билдирди».
КХДР етакчиси тегишли идораларга бунинг учун зудлик билан зарур чоралар кўриш ҳақида кўрсатма бергани билдирилмоқда.
Изоҳ (0)