Федерал судья Клаудио Бонадио 1994 йилда Буэнос-Айресда содир этилган террорчилик ҳужумида Аргентина собиқ президенти Кристина Фернандес де Киршнернинг алоқаси борликда гумонланиб, тергов қилишга тўсқинлик қилувчи иш бўйича суд мажлисини ўтказишга қарор қилди, деб хабар берди «ТАСС».
«Йиғилган далилларни ҳисобга оладиган бўлсак, суд ишни кейинги босқичга ўтказиш учун зарур бўлган талабларни кўриб чиқади», — дейилади қарорда. Шунингдек, суд қаршисида мамлакат собиқ ташқи ишлар вазири Эктор Тимерман ҳам жавоб беради.
Янги ишнинг очилишига 2015 йилда Фернандес де Киршнер ва Тимерманга қарши прокурор Альберто Нисман томонидан билдирилган айблов асос бўлган. У эски ҳукумат Эрон билан Аргентина савдо битимлари учун фойдали бўлган музокараларни ўтказганини эслатиб қўйган.
Шу билан бирга, прокурорнинг қайд этишича, битимда 85 кишининг умрига зомин бўлган терактни амалга оширишга алоқадор беш нафар эронликнинг озод этилиши ҳам назарда тутилган. Нисман Конгрессга ўзининг далилларини келтириши керак бўлган кундан бир сутка олдин ўзининг квартирасидна ўлик ҳолда топилган.
Изоҳ (0)