Federal sudya Klaudio Bonadio 1994-yilda Buenos-Ayresda sodir etilgan terrorchilik hujumida Argentina sobiq prezidenti Kristina Fernandes de Kirshnerning aloqasi borlikda gumonlanib, tergov qilishga to‘sqinlik qiluvchi ish bo‘yicha sud majlisini o‘tkazishga qaror qildi, deb xabar berdi “TASS”.
“Yig‘ilgan dalillarni hisobga oladigan bo‘lsak, sud ishni keyingi bosqichga o‘tkazish uchun zarur bo‘lgan talablarni ko‘rib chiqadi”, — deyiladi qarorda. Shuningdek, sud qarshisida mamlakat sobiq tashqi ishlar vaziri Ektor Timerman ham javob beradi.
Yangi ishning ochilishiga 2015-yilda Fernandes de Kirshner va Timermanga qarshi prokuror Alnerto Nisman tomonidan bildirilgan ayblov asos bo‘lgan. U eski hukumat Eron bilan Argentina savdo bitimlari uchun foydali bo‘lgan muzokalarni o‘tkazganini eslatib qo‘ygan.
Shu bilan birga, prokurorning qayd etishicha, bitimda 85 kishining umriga zomin bo‘lgan teraktni amalga oshirishga aloqador besh nafar eronlikning ozod etilishi ham nazarda tutilgan. Nisman Kongressga o‘zining dalillarini keltirishi kerak bo‘lgan kundan bir sutka oldin o‘zining kvartirasida o‘lik holda topilgan.
Izoh (0)