5 март куни Тошкент шаҳар Ички ишлар бош бошқармаси Йўл ҳаракати хавфсизлиги бошқармаси сайтини ишга тушириш режалаштирилмоқда, деб ёзади «Газета.uz». У ердаги «Мобил мухбир» бўлимига Йўл ҳаракати қоидалари бузилиши акс этган фото ва видеоматериалларни юбориш мумкин бўлади.
1 март, пайшанба куни бўлиб ўтган брифингда пойтахт ИИББ бошлиғи ўринбосари Дониёр Тошхўжаев маълум қилишича, биринчи ой давомида бўлим синов режимида ишлайди.
ЙҲХБ ходимлари мультимедиали материалларга муносабат билдириб, уларни расмий далиллар сифатида қабул қилади.
Дониёр Тошхўжаев таъкидлашича, бунинг учун қонунчиликка аудио ва видеоёзувлар қоидабузарликлар далиллари деб ҳисобланилишини таъминлайдиган ўзгартиришлар киритиш керак эмас. Материалларда қоидабузарлар автомобилларининг рақамлари кўриниб туриши мақсадга мувофиқ, дея қўшиб қўйди у.
Ўзлари истаса, фото ва видеоматериаллар муаллифларининг исм-шарифлари эълон қилинмайди.
Сайт фойдаланувчилари ЙҲХБ бошлиғи полковник Барат Маменовга онлайн режимида мурожаат қилиши мумкин бўлади.
Шунингдек, ЙҲХБнинг ўз Telegram-канали ва Facebook саҳифаси очилади.
Изоҳ (0)