Брэд Питт ва Леонардо ДиКаприо Квентин Тарантинонинг янги фильмида бош ролларни ўйнайди, деб ёзади «Газета.ru».
Картина «Бир куни Голливудда» деб ном олди. Фильмдаги воқеалар 1969 йилда содир бўлади, сюжет эса серияли қотил Чарльз Мэнсоннинг сектаси ҳамда режиссёр Роман Поланскининг рафиқаси Шэрон Тейтнинг ўлдирилиши атрофида қурилади.
ДиКаприо телесериал собиқ актёри Рик Далтон, Питт эса унинг каскадёри Клифф Бут ролини ўйнайди. Иккала қаҳрамон ҳам Голливудда ўз ўрнини топа олмайди. Сюжет бўйича Далтоннинг қўшниси Тейт бўлади.
Тарантино янги фильм сценарийсини беш йил давомида ёзганлигини айтди.
Фильм Шэрон Тейтнинг Мэнсон сектаси аъзолари томонидан ўлдирилганига роппа-роса 50 йил бўлган кунда — 2019 йил 9 августда экранларга чиқади.
Изоҳ (0)