Nokia хавфсизликни таъминловчи «ақлли» курткани тақдим этди

Финляндиянинг Nokia компанияси Барселонадаги Mobile World Congress 2018 кўргазмасида «ақлли» курткани тақдим этди, деб ёзади «РИА Новости».

CHASE LifeTech FR деб номланувчи қурилма Nokia томонидан Жанубий Кореянинг Kolon кийим-кечак бренди ва Чехиянинг GINA дастурий таъминот ишлаб чиқувчи компанияси билан ҳамкорликда яратилган. Куртка хавфсизликни таъминлаш ва организмнинг турли кўрсаткичларини нормада ушлаб туриш учун «биринчи ёрдам» гаджети сифатида тақдим этилди.

Куртканинг енглари ва ёқасида юрак уриши, ҳарорат, жойлашган жой, ҳаракат фаоллигини кузатиб турувчи датчиклар жойлашган. Тўпланган ахборот махсус базага юборилади, у ерда маълумотларга реал вақт режимида ишлов берилади. Қандайдир аномал кўрсаткичлар акс этган тақдирда, қурилма зудлик билан реакция кўрсатади.

Таъкидланишича, «ақлли» куртка қутқарув хизмати ходимлари, полициячилар ва ҳаёт учун хавф билан боғлиқ бўлган бошқа касблар вакиллари учун фойдали бўлади. Яқин бир-бир ярим йил ичида ишлаб чиқарувчилар куртканинг истеъмолчилар учун мўлжалланган версиясини ҳам яратмоқчи.

Nokia made a smart, fashionable jacket for first responders: https://t.co/Lca10uwPMI pic.twitter.com/xzF6T9uecf

— Engadget (@engadget) February 28, 2018