DxOMark профиль сайти мутахассислари Samsung S9 Plus флагманини смартфонлар ичида энг яхши камера соҳиби деб топди. Экспертлар таъкидлашича, гаджет рекорд миқдорда балл тўплаб, iPhone X ва Google Pixel 2 ни ортда қолдирган, деб ёзади «Корреспондент.net».
Синов якунларига кўра, Жанубий Корея смартфони рекорд миқдорда балл тўплаган. Бунда экспертлар унинг камерасида олинган 1500 та суратни ва икки соатдан ортиқ давом этувчи видеони баҳолаган.
Фотосуратлар ва видеотасвирлар сифати учун берилган умумий баҳо 99 баллга тенг бўлди. Шу билан бирга, суратлар сифати учун смартфонга 104 балл, видео учун эса — 91 балл берилди.
Иккинчи ўринда 98 баллик умумий натижа (суратлар — 99 балл, видео — 96 балл) билан Google Pixel 2 жойлашди. «Олмали» флагманнинг умумий кўрсаткичи эса 97 баллни ташкил қилди.
Изоҳ (0)