Янги Nokia смартфонлари 25 февраль куни MWC 2018 кўргазмаси доирасида тақдим этилади. Компания ҳамёнбоп Nokia 1, шунингдек, Nokia 9 флагманини ҳамда ўрта сегментга мўлжалланган Nokia 7+ моделларини намойиш этади, деб хабар берди Hi-Tech.Mail.Ru.
Nokia 7+ ўзидан олдинги Nokia 7 смартфонидан каттароқ ва «кучлироқ». Уни ўзидан олдинги аждоди билан фақатгина дизайни боғлаб туради — орқа қопқоғи ойнадан ишланган металл корпус. Олд томонининг ҳошияси эса ингичкалашган, орқа томонидан иккиталик асосий камера ўрин олган.
Экран диоганали 5,2 дюмдан 6 дюймга қадар катталашган бўлиб, томонлар нисбати 18:9. Асосий камералар 12 ва 13 мегапикселли Carl Zeiss оптикаси билан жиҳозланган.
Nokia 7+ Snapdragon 660 процессорида ишлайди, тезкор хотираси 4 гигабайтга, ички хотираси 64 гигабайтга тенг.
Изоҳ (0)