Кореянинг Бандликка рухсат бериш тизими бўйича бўлиб ўтадиган корейс тилидан тест синовларида қатнашувчилар рўйхати, манзили, санаси ва вақти тўғрисида эълон берилди, деб ёзади UzNews.
2018 йил 5—16 март кунлари қуйидаги тартибга асосан тест синовлари ўтказилади:
— Тест синовлари Тошкент шаҳар Миробод тумани Толимаржон кўчаси 3-уй (Мўлжал: Электроаппарат заводи), Тошкент шаҳар Олмазор тумани Қамарнисо кўчаси 1-уй (Мўлжал: «Беруний» тўйхонасига етмасдан Политехника касб-ҳунар коллежи биноси ёнида) компьютерда электрон шаклда ўтказилади.
— Тестнинг давомийлиги 4 та босқичда ўтказилиши белгиланган бўлиб, соат 08:20, 09:30, 12:30, 13:50 да имтиҳонлар бошланади.
— Тест синовлари ва «Бандликка рухсат бериш тизимининг корейс тилидан тест синовлари» мезонлари ўқиш ва эшитиш каби тоифаларга ажратилган бўлиб, саволлар сони жами 40 тадан иборат, жавоблар балл тизимида ва 100 баллик тартибда баҳоланади. 50 дақиқа вақт оралиғида тест синовлари бажарувчилари берилган саволларга жавоб бериши керак бўлади.
— Тест синовларига кирувчилар тестга кириш учун рухсатнома, паспорт ва унинг рангли нусхасини ўзлари билан олиб келиши шарт қилиб белгиланган.
— Агарда номзод паспорти билан келмаса, у ҳолда тест синовларига киритилмайди.
Биринчи босқич тест синовлари жавоблари 2018 йил 21 март куни www.migration.uz ёки eps.go.kr, epstopic.hrdkorea.or.kr веб-сайтлари орқали эълон қилинади.
Маълумот олиш учун Ташқи меҳнат миграцияси масалалари агентлигининг қуйидаги телефонларига мурожаат қилишингиз мумкин: 0371-202-33-44, 0371-202-33-55, 0371-202-33-66, 0371-202-33-99
Изоҳ (0)