Чехия Еврокомиссиянинг мажбурий квоталарига мувофиқ бирорта ҳам муҳожирни қабул қилмайди. Бу ҳақда мамлакат бош вазири Андрей Бабиш парламентда депутатлар саволларига жавоб бераётиб айтиб ўтди, деб ёзади «РИА Новости».
«Биз ҳеч қачон ҳеч қандай квоталар бўйича ҳеч қанақа муҳожирларни қабул қилмаймиз. Бирортасини ҳам. Мамлакатимизда ким яшаш ва ишлаш ҳуқуқига эга эканлиги ҳақида кимдир бизга буйруқ беришига қатъий қаршимиз. Мажбурий квоталар самарасиз ва Европани ажратиб қўяди, холос», — деди Бабиш.
Шунингдек, унинг эслатишича, Вишеград тўртлиги мамлакатлари — Чехия, Словакия, Польша ва Венгрия аризаси билан Евроиттифоқнинг молиявий ва моддий кўмаги Шимолий Африка ва Яқин Шарқдан муҳожирларни бевосита қабул қилиб олувчи мамлакатларга, яъни Евроиттифоқнинг Ўртаер денгизидаги аъзоларига тақдим этилиши керак. Ва Вишеград тўртлиги мамлакатлари, Бабишнинг сўзларига кўра, ўз томонидан жанубда Европа чегаралари мустаҳкамланишини ва муҳожирларнинг ўзлари етиб келган мамлакатларда яшашини астойдил молиялаштирмоқда, бироқ уларни ўз мамлакатларида қабул қилишдан бош тортади.
Изоҳ (0)