Россия мудофаа вазири Сергей Шойгу Су-57 қирувчи самолётлари Сурияда икки кунлик синовларда қатнашганини тасдиқлади, деб ёзади «Коммерсантъ». У синовлар муваффақиятли кечганини ва самолётлар бир ҳафта аввал уйга қайтганини таъкидлади.
Шойгунинг сўзларига кўра, Сурияга фақат иккита қирувчи юборилган. «Уларга лаборатория самолётлар, ва қурол ишининг барча параметрларини кузатиб борган самолётлар ҳамроҳлик қилди», — дея аниқлик киритди у.
Интернетда тарқалган ва бешинчи авлод қирувчилари акс этган деб даъво қилинган сунъий йўлдошдан олинган суратларни изоҳлар экан, Шойгу «ҳозир 95 йил эмаслигини — бундай самолётлар ҳеч қачон бирга турмаслиги»ни айтди. Мудофаа вазири самолётлар шунча вақтдан буён яширин сақланганлигини қайд этди.
Аввалроқ синов дастурлари доирасида Су-57 нинг илк иккита намунаси февраль охирида Сурияга юборилганлиги хабар берилган эди. Кейинроқ Хмеймим авиабазасига яна иккита Су-57 етиб келгани маълум қилинди, шунингдек, улар акс этган деб тахмин қилинган сунъий йўлдош тасвирлари ҳам эълон қилинди.
Шойгунинг сўзларига кўра, бешинчи авлод Су-57 қирувчилари синовининг тўлиқ цикли 2018 йилда якунланиши керак.
Изоҳ (0)