Тошкент шаҳридаги қоғоз ва қоғоз маҳсулотлари ишлаб чиқарадиган «Тошкент қоғози» (собиқ «Ўзбум») фабрикаси сотувга қўйилгани ҳақидаги хабар тошкентликлар ўртасида қизғин муҳокама қилинди, деб ёзади «Nuz.uz».
Фабрика биноси 22,2 миллиард сўм бошланғич нархда 27 ва 29 март, 3 ва 5 апрель кунлари кимошди савдосига қўйилади. У 10 миллион доллар инвестиция мажбурияти билан сотилади. Инвестициялар 3 йил муддатда киритилиши лозим.
Аммо пойтахтликлар ҳукуматнинг фабрикани модернизация қилиш ва уни замонавий саноат объектига айлантириш истагига қўшилмайди. Бееътибор бўлмаган фуқаролар Фарғона йўли кўчасида жойлашган бино ўтган аср бошидаги саноат архитектураси ёдгорлиги эканлигини пеш қилмоқда.
Тошкентликлар «Ўзбум» биносининг тарихий қиёфаси сақланиб қолган ҳолда, унинг маданий объектга — замонавий санъат маркази, музей ёки кўргазма залига айлантирилишини ёқлаб чиқмоқда.
Фабрикани сақлаб қолиш учун фойдаланувчилар кўп марта ўз тарихий ватанидаги қизиқарли лойиҳаларда қатнашишга тайёрлигини билдирган россиялик бизнесмен ва ҳомий Алишер Усмоновга мурожаат қилишни таклиф этди.
Изоҳ (0)