Ўзбекистонда иккита олий таълим муассасаси негизида ижодий (креатив) иқтисодиёт ривожлантирилади. Бу ҳақда Тошкентда бўлиб ўтган «Миллий тараққиёт ва мамлакат халқаро имижини шакллантиришда маданият ва санъатнинг роли» мавзусидаги давра суҳбатида Маданият вазирлиги қошидаги Маданият ва санъатни ривожлантириш фонди бўлим бошлиғи Темур Камолов маълум қилди, деб ёзади Spot.
Хусусан, маълум бўлишича, Давлат санъат ва маданият институти негизида жорий таълим фанлари ва амалий машғулотлар ва ишлар учун хаб яратиш имконияти қайта кўриб чиқилади.
Тошкентдаги Халқаро Вестминстер университетида ҳам ижодий иқтисодиётни ривожлантириш режалаштирилмоқда, у ерда алоҳида «Маданият соҳасида ижодий индустриялар ва менежмент» факультети очилиши кутилмоқда.
Лойиҳага ЮНЕСКОни жалб қилиш режалаштирилмоқда.
Изоҳ (0)