Самарқанд вилояти Пастдарғом тумани Чорвадор қишлоғида туғилган 41 ёшли Нуридин Қирғизов Россиянинг Москва вилоятида истиқомат қилувчи кекса аёлни ёнғиндан қутқариб қолгани учун мукофотланди. Бу ҳақда Фавқулодда вазиятлар вазирлиги матбуот хизмати хабар қилди, деб ёзади «Газета.uz».
31 январь куни Москва вилоятининг Софрино посёлкасида содир бўлган ёнғин вақтида Нуриддин Қирғизов олов ичида қолган уйга кириб, кекса ёшли аёлни қутқариш вақтида оғир куйиш жароҳатини олган.
Ёнғин вақтида жасорат ва фидокорлик кўрсатгани учун Нуридин Қирғизовга Россия Федерацияси Ёнғинга қарши курашиш кўнгиллилар жамиятининг «Князь Александр Львов» номли медали ҳамда Пушкин шаҳар округи бошлиғидан диплом берилган, шунингдек, Пушкин ёнғин-қутқарув гарнизони бошлиғи томонидан миннатдорлик эълон қилинган.
Ҳозирда Ўзбекистон фуқароси ФВВ ва ТИВ ёрдамида ватанга қайтиб, Республика шошилинч тиббий ёрдам илмий марказининг Самарқанд вилояти филиалида даволанмоқда.
Нуриддин Қирғизовга мукофотларни Ўзбекистон ФВВ ходимлари етказиб қўйди.
Изоҳ (0)