Ўзбекистонда хайрия фаолияти ва солиқ имтиёзлари механизмини қўллаш тўғрисидаги амалдаги қонунчиликка ўзгартириш киритиш бўйича таклифлар тайёрланмоқда. Бу ҳақда Ўзбекистон Республикаси Маданият вазирлиги қошидаги Маданият ва санъатни ривожлантириш фонди ижро этувчи директори ўринбосари Гаяне Умерова маълум қилди, деб ёзади Spot.
Унинг сўзларига кўра, ижобий халқаро тажрибани қўллаш мақсадида фонд дунёнинг 40 мамлакатида хайрия йўналишида 100 дан ортиқ филантроп ва инрфтратузилмавий ташкилотларни бирлаштирувчи Worldwide Initiatives for Grantmaker Support (WINGS) халқаро нотижорат ташкилоти билан ҳамкорлик қилмоқда.
Бундан ташқари, Ўзбекистоннинг музейлар ва театрларида мақсадли капитал (эндаументлар) тизимини жорий қилиш режалаштирилмоқда. Дастурдан мақсад — самарали фандрайзинг технологиялари жорий қилинишига кўмаклашиш, маданий муассасалар фаолияти учун қўшимча молиявий воситаларни жалб қилиш.
Маълум бўлишича, Фонд томонидан ҳукумат вакиллари, маданият, бизнес, ижодий ҳамжамият соҳаларидаги профессионалларни бирлаштириш йўли билан юқорида кўрсатилган йўналишлар бўйича самарали таклифлар ишлаб чиқиш ва муҳокама қилишга йўналтирилган форум ўтказиш режалаштирилган.
Изоҳ (0)