КХДРнинг БМТдаги доимий ваколатхонаси ташкилот бош котиби Антониу Гутеррешни Шимолий Кореяга қарши халқаро санкциялар ҳақидаги «ўйламасдан айтилган гаплари» ёрдамида Пхеньян билан низони келтириб чиқаришда айблади. Бу ҳақда «Газета.ru» хабар бермоқда.
Кореялик дипломатлар Гутерреш Мюнхен хавфсизлик конференциясида Корея ярим оролини ядросизлантириш жараёнини тезлаштириш учун КХДРга нисбатан халқаро санкцияларни сақлаб қолиш зарурлиги ҳақида айтган гапларини танқид қилиб чиқди. Уларнинг фикрича, БМТ бош котибининг гаплари «Пхеньян билан низо» келтириб чиқарадиган «бемаъни казуистика (шубҳали даъволарни усталик билан тўғрига чиқариш)»дир.
«Корея ярим оролида ядро масаласи АҚШнинг айби билан пайдо бўлгани ва жиддийлашгани кундек аён, бунинг учун жавобгарликни АҚШ тўлиқ ўз бўйнига олиши керак», — дея қўшиб қўйди дипломатлар.
Изоҳ (0)