Вашингтон Суриядаги низони ҳарбий йўл билан ҳал қилишни истисно этмаяпти ва ушбу мамлакат кучларига зарбалар бериш ҳуқуқини ўзида қолдиряпти. Бу ҳақда АҚШнинг БМТдаги доимий вакили Никки Хейли айтиб ўтди, деб ёзади «ТАСС».
«Ҳарбий ечим доим ҳар қандай вазиятга нисбатан кўриб чиқилади», — деди Хейли. Шу билан бирга, у АҚШ «Сурия низосининг марказида бўлиш»ни истамаслигини, аммо кимёвий қурол қўлланилаётган сурияликларга ёрдам бериш учун қўлидан келганча ҳаракат қилиши кераклигини айтди.
Хейли АҚШ президенти Дональд Трамп ўзининг ҳарбий соҳадаги эҳтимолий қадамларини ошкор этмасликка ваъда берганини маълум қилди. Доимий вакил фикрича, Сурия ҳукумати АҚШ ҳарбий хусусиятга эга чораларни кўриши мумкинлигини барибир билади.
Изоҳ (0)